Nagtanyag ang Ukraine sa Russia og temporaryong ceasefire alang sa mga sibilyang target sa Black Sea, human sa pagdagsa sa mga pag-atake batok sa mga barko ug pantalan nga gigamit sa pag-eksport sa mga produkto sa agrikultura sa nasud.
Nasayran nga gipadala sa Kyiv ang tanyag pinaagi sa usa ka third party ug naghulat pa sa tubag gikan sa Moscow.
Ang Russia ug Ukraine parehong nag-akusar sa usag usa sa pag-atake sa mga barko nga gigamit alang sa ilang mga eksport.
Gikataho usab nga pipila ka shipping companies ang naglikay sa pag-agi sa Odesa, nga giisip nga importanteng sentro sa grain exports sa Ukraine.
Samtang, napugos ang Russia sa pagpahunong sa operasyon sa tulo ka mga terminal sa pantalan sa Black Sea sa Novorossiysk human kini giingong giatake sa Ukraine.
Mahimo usab kini nga makaapekto sa pag-eksport sa grain sa Moscow.
Si Russian Deputy Foreign Minister Alexander Grushko miingon nga wala pa sila makadawat og pormal nga hangyo alang sa ceasefire sa Black Sea.
