UN, nabalaka sa padayon nga paggrabe sa kagubot sa Myanmar

Nanawagan ang United Nations sa military junta sa Myanmar nga hunungon ang pagpatay sa Rohingya ethnic group.

Matud ni UN Secretary General Antonio Guterres nga mahinungdanon ang pagtinabangay sa mga nasud aron mapugngan ang padayon nga pagkaylap sa kapintasan.

Nagpahayag usab siya og lawom nga simpatiya alang sa Rohingya ethnic group nga nawad-an sa ilang mga balay tungod sa pagpapahawa sa junta sa Myanmar.

Naglaum siya nga ang UN ug ang mga lider sa Myanmar magpahigayon og mga panagtigom aron tapuson ang kapintasan.

Mahinumduman nga daghang mga etnikong grupo ang gipapahawa gikan sa Myanmar human sa gihimong cleansing sa military junta.