CEBU CITY — Gipaubos sa imbestigasyon ang sunog nga miulbo sa Colawin Elementary School, sa Brgy. Colawin, lungsod sa Argao diin moabot sa P3.8-million ang danyos niini.
Base sa pasiunang imbestigasyon, faulty electrical wiring ang nakita sa hinungdan sa maong sunog diin misangput kini sa naugdaw ang unom ka mga classrooms.
Matud ni Fire Officer III Arden Sardido sa Argao Fire Station nga nadelatar gamay ang pagresponde mga kabumberuhan gumikan sa kalayo sa nahitaboan sa sunog.
Dugang pa ni Sardido nga naka-backup na daan ang Sibonga Fire Station alang sa pagpalong sa dakong kalayo diin milanat ang pagpalong niini sulod sa duha ka oras.
Gikatakdang makig-alayon ang mga kabumberuhan sa Argao Fire Station sa mga school officials sa Colawin Elementary School alang sa imbestigasyon niini.
Nasayran nga ang Brgy. Colawin sa Argao mao ang hometown ni kanhi-Chief Justice Hilario Davide Jr.
