CEBU – Walay kabutangan ang kalipay sa Cebuano Top 2 Bar topnotcher sa naangkun niini nga kalampusan.
Sa pakighinabi sa Bombo Radyo kang Atty Marcley Augusts Natu-el, gibutyag niini nga wala pa nag-sink in kaniya ang resulta sa bar examinations, apan dili mahulagway nga kalipay ang iyaha karung gibati.
Matud ni Natu-el nga wala niini gilauman nga usa kini sa malakip sa topnotcher apan iyaha kining gi-ampo.
Gipadayag niini nga bugtung ang iyahang ginikanan ang nahimu niyang inspirasyon sa tanan nga kalampusan nga iyahang naangkun.
Giklaru ni Natu-el nga wala pa kini konkreto nga plano human ang gikahinaman nga resulta.
Sa pagkakarun, iselebrar una niini kauban ang iyahang pamilya ang maong kalampusan.
Nasayran nga gawas kang Natu-el, nahimung Top 3 si Top 3 si Mark Lawrence Badayos, 85.84%; Top 9 si Jebb Lynus Cane, 84.80%; at Top 10 si Alen Joel Pita,84.69%.
Gikalipay usab sa kadagkuan sa University of San Carlos ang maong resulta kung diin garbo nila nga nalakip ang ilahang mga produkto sa nakapasar sa bar exam.
