Hugot nga gibantayan sa US ang nagpadayong mga protestang masa sa Nairobi, Kenya.
Sumala sa White House, importante nga ang gobyerno sa Kenya motubag sa mga reklamo sa mga nagprotesta.
Gawas sa US, ang ubang mga nasud sama Canada, Britain, Denmark, Germany ug Netherlands natingala ug nabalaka sa nagpadayon nga kagubot sa Kenya.
Mipahayag ang British High Commission nga importante ang matag habig nga morespeto ug mopasiugda sa kalinaw aron dili modako ang panagbangi.
Gipakatap sa kadalanan sa Nairobi ang mga sundalo agig suporta sa mga pulisya.
Kahinumduman nga unom ka mga nagprotesta ang napatay sa dihang nag-engkwentro ang mga pulis atubangan sa parliament.
Labing menos 40 ka mga tawo ang nasamdan sa dihang gigamit sa pulisya ang kapintasan batok sa mga nagprotesta.
Ang ubang mga magbabalaod nag-lock sa ilang kaugalingon sa parlamento human sila gilibutan sa mga nagprotesta.
Misangpot ang aksyong protesta sa plano nga umentohan ang buhis sa mga palaliton.
Depensa sa gobyerno nga importante ang umento sa buhis aron momenos ang ilang mga utang.
Base sa proposal, 16 porsiyento nga buhis ang ipahamtang sa pan ug 25 porsiyento nga buhis sa mantika nga pagluto.
Nipasalig ang presidente sa Kenya nga si William Ruto nga iyang ipadayon ang kalinaw.
Gituohan usab nga ang mga kriminal maoy nanghulhog sa mga nagprotesta maong nagkatag sa kadalanan.
