Gidakop sa kapulisan sa Miami, Florida ang US Olympic sprinter nga si Fred Kerley kinsang nakadaog og bronze medal sa men’s 100 meters sa 2024 Paris Olympics..
Gani, napugos pa ang mga otoridad sa paggamit og stun gun tungod sa kagahi sa ulo nga mokuyog sa mga otoridad atol sa komprontasyon.
Tungod niini, nag-atubang siya og kasong battery, resisting officers ug disorderly conduct.
Matud ni Christopher Bess, ang tigpamaba sa Miami Beach Police Department, nga nagpatrolya ang mga awtoridad dihang giduol sila ni Kerley ug gipangutana ang problema sa iyang sakyanan nga giparking sa maong lugar.
Human niini adunay panaglalis diin nanghasi na si Kerley.
Gidala una siya sa tambalanan aron matambalan sa iyang mga samad sa dili pa itanggong sa Turner Guilford Knight Correctional Center.
Kasong robbery ug domestic battery ang iyang gi-atubang karon human gireklamo usab sa iyang asawa niadtong Mayo 2024.
