Gipahibalo ni US President Donald Trump nga ang Estados Unidos na ang mopuli sa Venezuela human sa pagkadakop niini nga si Presidente Nicolas Maduro.
Sumala ni Trump, usa ka grupo sa mga indibidwal ang temporaryong modumala sa Venezuela hangtod masiguro ang luwas ug hapsay nga pagbalhin sa gahum.
Miingon siya nga ang US Secretary of State Marco Rubio nakigsulti na kang Delcy Rodríguez, kinsa nagsilbi nga Bise Presidente ni Nicolas Maduro, bahin sa butang ug nga si Rodriguez andam nga mokooperar sa US.
Kini human sa pagmando ni Trump ang pag-atake sa mga military sites sulod sa Venezuela gahapon, Sabado, Enero 3, ug kini gikumpirmar sa mga opisyal sa US ang paglunsad sa mga pag-atake sa Amerika sa Venezuela.
Nadungog usab ang sunod-sunod nga mga pagbuto sa kapital sa Venezuela nga Caracas ug tungod sa pag-atake, daghang mga komunidad sa palibot ang walay kuryente.
