Nipasidaan si US Secretary of State Antony Blinken batok sa pagkabanhaw pag-usab sa grupo sa Islamic State sa Syria, samtang nanawagan siya alang sa pagkunhod sa pagpakig-away sa nasud.
Usa ang Syria nga nakitaan og grabeng kapintasan human nga naglusad og pag-atake ang mga rebelde aron sa pag-ilog sa mga bahin sa teritoryo gikan sa pagdumala ni President Bashar al-Assad.
Matud ni Blinken nga ilang panalipdan ang mga sibilyan sa Syria ug siguruhon nga maprotektahan kini a bisan unsang hulga.
Kung kahinumduman nga gipildi sa mga pwersang gipangulohan sa US ang grupong Islamic State sa Iraq niadtong 2017 ug Syria niadtong 2019, apan ang mga jihadist nga manggugubat naglihok gihapon sa hilit nga mga dapit sa desyerto, bisan og dili na nila kontrolahon ang teritoryo.
Ingon man nga bisan sa natukod nga mga anti-IS coalition niadtong 2014 aron sa pagtabang sa pakigbatok sa mga jihadist wala kini gihapon hingpit nga natuldukan.
