CEBU – Patay ang usa ka Imam human gipusil sa wala pa maila nga mga suspek sa St. Micahel Village sa Brgy. Pajac, dakbayan sa Lapu-Lapu.
Giila ang biktima nga si Cairoden Ampaso Palman, 43 anyos. Sa inisyal nga imbestigasyon sa otoridad nagsakay ug motorsiklo ang mga responsable sa pagpusil kang Palman.
Matod ni Police Master Sergeant Wilson Malnegro sa Lapu-Lapu City Police Office, naka-angkon ug pito ka igo ang biktima nga mao ang gitudlong hinungdan sa hinanali niining kamatayon.
Lakip sa mga anggulo nga gilantaw sa otoridad ang negosyo sa biktima nga Liquified Petroleum Gas ingon man ang motibo nga personal grudge.
Nasayran nga aduna matod pa’y gikalalis si Palman sa mga kaubanang Muslim, tulo ka semana na ang nakalabay.
Padayon nga giimbestigaran sa otoridad ang maong krimen.
