Hapit muawas ang basket sa usa ka lalaki human kini giihap nag natigom nga mga sensiyo alang ipalit sa second hand nga multicab para sa iyang Negosyo.
Mi-viral sa social media ang giila nga si Rolly Priego niadtong Agosto 12 sa iyang pagpakita sa tinigom nga sensiyo nga mukabat sa kapin P115k.
Nanag-iya si Rolly og usa ka computer shop nga adunay piso net ug vending-type wifi machine.
Natigom niya ang tanan halin sa computer shop ug ingon man sa mga kustomers niini.
Matod pa niya nga gawas sa kakugi kay ang pag-kontrol pud sa galastohon ang taktika aron dali makatigom sa kwarta.
Giila nga praktikal si Rolly sa paghupot sa kwarta sanglit dili kini niya ipalit lang og bisan unsa apan sa mga future investments pa niya nga sama nalang sa pagpalit ug segonda mano nga multicab isip kaabag sa Negosyo.
