Giawhag sa Vatican ang mga Pilipinong Katoliko nga magtinabangay aron limpyohan ang ilang mga komunidad gikan sa korapsyon, krimen, ug diskriminasyon.
Sumala ni Vatican ambassador to the Philippines, Archbishop Charles Brown, ang mga komunidad kinahanglan na karon nga makawagtang o makapugong sa korapsyon, krimen, ug uban pang mga matang sa kalapasan sama sa diskriminasyon.
Dugang niini nga ang matag Pilipino kinahanglan nga magtinabangay aron masumpo ang tanan nga mga problema nga nagpabug-at o nagpaubos sa kalidad sa kinabuhi ug mga damgo sa matag tawo.
Gihinumdom usab ni Archbishop Brown ang pastoral vision ni Pope Leo XIV, nga nag-awhag sa matag Simbahan ug mga Katoliko nga magtinabangay sa pagbuhat og maayo alang sa paglungtad sa hustisya, kalinaw, ug pagtahod sa mga katungod sa matag lungsuranon.
Gihimo ni Archbishop Brown ang panawagan kauban sa nagpadayon nga Spiritual Retreat ug Plenary Assembly sa Catholic Bishops’ Conference of the Philippines sa Ozamiz City.
Diin ang asembliya gitambongan sa kapin sa 80 ka mga obispo gikan sa tibuok Pilipinas.
