CENTRAL VISAYAS-Gihatagan ug gibug-atun sa kasundulahan sa kabisay-an nga propaganda lamang sa bahin sa CPP-NPA ug Front Organizations, ang pamahayag sa Progresibong groupo nga nag-unay lamang ang operatiba, human sa kamatayun sa usa ka pulis sa engkwentro nga nahitabo sa Bilar, Bohol niadtong Pebrero 23, 2024.
Kini ang gitino ni Lieutenant Colonel Israel Galorio, ang tigpamaba sa Visayas Command, nga bisan paman sa ilahang mga pamahayag dili na malilong ang kamatuoran nga nahigmata na ang katawhan.
Dugang pa niini, nga kini arun pagtabon sa kamatuoran nga pinaagi sa ilang malimbongon ug makadaut nga pagrekrut nga maoy hinungdan sa pag-antos sa katawhan.
Giklaru niini nga ang bounty ni Domingo Compoc mahatag sa tawo nga naghatag sa impormasyon nga mitultol sa iyang pag-neutralize ug dili sa security forces.
Gitumbok niini, nga makauulaw alang niining mga NPA Front Organization nga modangop sa paghimog mga istorya sa ilang dili maayong pagsulay sa pagtabon sa kamatuoran ug paglingla sa katawhan.
Kung kahinumduman, nga namatay sa maong engkwentro ang abogadang si Hannah Jay Cesista sa habig sa New People’s Army ug ingun man si PCpl Gilbert Amper, sa habig sa kapulisan.
