Mopatim-aw nga daw adunay gitago o giikyasan si Bise Presidente Sara Duterte sa iyang mga responsibilidad kung dili siya personal nga moatubang sa impeachment court sa Senado nga mosusi kaniya kalabot sa giingong sayop nga paggamit sa confidential funds ug mga hulga sa kinabuhi ni Presidente Ferdinand Marcos Jr.
Nisang-at ang House of Representatives og pito ka Articles of Impeachment sa Senado batok sa Senado, apil na ang giingong paggamit sa P612.5 milyon nga iregularidad sa Opisina sa Department of Education, diin siya kanhi kalihim.
Apil usab sa reklamo ang pamahayag ni Duterte sa online press conference nga aduna siyay kaestorya nga mopatay kang Presidente Ferdinand “Bongbong” R. Marcos Jr., First Lady Liza Araneta-Marcos, ug Speaker Ferdinand Martin G. Romualdez kon mamatay siya.
Matud ni Defensor nga ang impeachment trial usa ka higayon alang kang Duterte nga kontrahon ang mga alegasyon batok kaniya.
Gibalikbalik sa mga kongresista si Duterte nga ipasabot kon giunsa paggasto ang iyang confidential funds.
Lakip sa mga red flag nga nakita sa Balay mao ang mga kuwestiyonableng pangalan sa mga nakadawat sa confidential funds sama nila ni Mary Grace Piattos, Renan Piatos, Pia Piatos-Lim, Jay Kamote, Miggy Mango, ug Xiaome Ocho ingon man pipila ka mga Dodong.
Samtang, ang Philippine Statistics Authority (PSA) walay nakit-an nga mga rekord sa pagkatawo, kaminyoon, o kamatayon alang sa pipila ka mga ngalan, nagpataas sa alarma mahitungod sa peke nga mga identidad ug sa posibleng paggamit sa mga ghost recipients sa pagbalhin sa mga pundo sa publiko.
Bisan tuod si Senate President Francis “Chiz” Escudero niingon nga dili kinahanglan ang pisikal nga presensya ni Duterte sa trial, apan si Defensor miinsister nga ang personal nga pagtambong magpakita og pagtahod sa proseso ug makadugang sa pagsalig sa iyang depensa.
Ang Senado motawag isip impeachment court karong Hunyo 3, ug ang pre-trial proceedings gikatakda karong Hunyo 24 hangtod Hulyo 25 ug ang trial mismo kay magsugod sa Hulyo 30, duha ka adlaw human sa State of the Nation Address (SONA) ni Presidente Marcos, sigon sa gipagawas nga schedule ni Escudero.
