Gihimakak ni Bise Presidente Sara Duterte ang mga pasangil sa Malacañang nga pakyas ang iyang paglingkod isip secretary sa Department of Education.
Matud sa Bise Presidente nga sa pagkatinuod, wala siya gitaktak ni Presidente Ferdinand Marcos Jr. human siya misumiter sa iyang pagluwat isip Kalihim niadtong 2024.
Giingong gipangutana siya ni Marcos kon gusto ba siya og laing posisyon sa gabinete apan mibalibad kini.
Dugang usab niini nga wala siya masayod kon diin gikan ang pamahayag nga napakyas ang iyang paglingkod isip Kalihim sa DepEd ug giingong usa lang kini ka pagpangdaot batok kaniya.
Una nang niingon si Palace Press Officer Undersecretary Claire Castro nga pakyas ang paglingkod ni Duterte isip Kalihim sa DepEd tungod kay atrasado ang nasud sa estado sa edukasyon kon itandi sa ubang kanasuran.
