Hugot nga gikondenar ni Vice President Sara Duterte ang pagpamusil sa Banga National High School sa South Cotabato niadtong Setyembre 18, nga iyang giingon nga ikatulo nga pagpamusil sa eskwelahan nga natala sa nasud karong tuiga.
Sa usa ka pahayag nga gipagawas karong adlawa, Setyembre 21, si Duterte miingon nga kini nga matang sa kapintasan nagpakita sa mga peligro nga mahimong atubangon sa mga estudyante samtang nag-eskwela.
Sumala sa bise presidente, ang mga eskwelahan kinahanglan nga luwas ug malinawon alang sa mga bata, apan siya miingon nga ang mga batan-on padayon nga nameligro tungod sa giingong kakulang sa aksyon sa gobyerno.
Gilambigit usab ni Duterte ang insidente sa mas lapad nga kahimtang sa panggobyerno sa nasud.
Iyang giinsistir nga imbes nga mag-focus sa mga nag-unang katungdanan sa gobyerno, lakip ang seguridad ug kaayohan sa mga Pilipino, ang administrasyon mas naka-focus sa political consolidation.
Dugang niya nga dili lamang ang mga biktima sa insidente ang angay mabalaka tungod kay daghan pa nga mga batang Pilipino ang mahimong nameligro.
Sa katapusan, giinsistir sa bise presidente nga ang nasud angayan og mas maayong liderato.
