Nisang-at usab ug bulag nga Petition for Certiorari and Prohibition sa Korte Suprema si VP Sara Duterte kalabot sa impeachment case nga gipasaka batok kaniya sa Kamara.
Gisumite kini sa kampo sa bise presidente pinaagi sa Fortun Narvasa ug Salazar law offices.
Nasayran nga nadawat na kini sa korte apan wala kini miapelar atol sa en banc session niini kagahapon.
Kini dugang sa petisyon nga gisang-at sa upat ka mga abogado nga gikan sa Mindanao aron babagan ang impeachment proceedings batok sa bise presidente.
Ang mga abogado kay sila Atty. Israelito Torreon, Atty. Martin Delgra, Atty. James Reserva, Atty. Hillary Olga Reserva, ug Atty. Luna Acosta nga naghangyo usab nga ang Korte Suprema nga moisyu og Temporary Restraining Order (TRO) ug Injunction aron mabasura ang impeachment complaint.
Lakip usab sa mga petitioners mao ang Bise Mayor sa Davao City, pipila ka mga sakop sa konseho sa siyudad, ug mga iladong vloggers nga sila Darwin Salcedo, Lord Byron Cristobal, ug Lord Oliver Raymund Cristobal.
Matod pa nila, depektoso ang Senado ug dili angay paminawon ang impeachment complaint nga gisang-at sa Kamara.
Giingong kwestyonable ang proseso sa verification sa impeachment complaint.
Ang mga petitioners niinsistir nga ang mga mipirma sa reklamo wala gitun-an pag-ayo ang sulod niini, ug kalit lang nga naapil sa impeachment matter.
Apan gidepensahan sa House of Representatives nga “moot and academic” kini tungod kay anaa na sa Senado ang reklamo ug wala nay hurisdiksyon ang korte niini.
