Nagtuo si Bise Presidente Sara Duterte nga responsable ang Armed Forces of the Philippines (AFP) nga walay nahimo atol sa pagkasikop ni kanhi Presidente Rodrigo Duterte.
Matod ni VP Duterte, ang militar ang angay nga manalipod sa ‘state and national sovereignty’. Dili trabaho sa usa ka nasud ang pagtugyan sa iyang mga lungsuranon ngadto sa mga langyaw.
Gawas niini, trabaho sab sa Presidential Security Group (PSG) ang pagpanalipod sa mga kanhi presidente, apan wala kini mahitabo.
Sa laing bahin, ang bise presidente niingon nga wa na sila magdahom og dugang aksyon gikan sa kagamhanan karong panahona tungod kay tataw nga nakig-alayon na kini sa International Criminal Court (ICC) aron mapabilin ang iyang amahan sa detention facility, mao nga sila na lang ang mangitag paagi nga mabalik ang kanhi presidente sa Pilipinas.
Matod ni FPRRD, kinahanglan na sab siyang mobalik sa Pilipinas kay modagan siya pagka-Mayor sa Davao.
