Gibarugan sa Department of Information and Communications Technology (DICT) nga walay ebidensya nga magpamatuod nga adunay mga kinawat nga datos gikan sa sistema sa gobyerno sa Pilipinas.
Diin unang gibutyag sa US-based information company nga Bloomberg nga adunay gikawat ang mga China-based hacker nga military data ug uban pang sensitibo nga kasayuran gikan sa executive department.
Matud ni DICT Spokesperson, Asec. Aboy Paraiso, nga walay ebidensya nga magpamatuod nga ang mga sensitibo nga datos gikawat o gikuha gikan sa mga sistema sa gobyerno.
Ingon man ang mga magpamatuod nga ang bisan unsang mga site nakompromiso, bisan pa sa taho sa kompanya nga nakabase sa US.
Sa samang higayon, gihagit sa DICT ang mga hacker nga magpakita og pruweba nga na-hack nila ang mga site o nangawat og data.
Basi sa impormasyon nga gipagawas sa Bloomberg, daghang mga insidente sa hacking ang giingong gihimo sa mga hacker nga nakabasi sa China ug kadaghanan niini nahitabo gikan sa sayong bahin sa 2023 hangtod sa Hunyo 2024.
Gipahayag usab niini sa ilang report nga ang Office of the President unang nangayo og imbestigasyon sa giingong hacking incident niadtong Mayo 2024 diin nagpagawas pa kini og email diin gipahayag ang hangyo sa Presidente.
Apan matod sa tigpamaba sa DICT, nasubay nila niadtong tungora ang mga Chinese hackers, apan matud pa nga walay nadawat nga email ang ahensya.
