CEBU CITY- Giyagyag ni Former Senator Antonio Trillanes nga ang kampanya kontra droga ni kanhi Presidente Rodrigo Duterte wala lang nagpunting sa pagpatay sa mga drug user ug small-time pushers, kundili apil usab ang pagpanalipod sa ilang partner sa iligal nga droga.
Sa usa ka exclusive interview sa Bombo Radyo Cebu, matud pa ni Trillanes, gikan sa pagka-miyembro sa Pilipinas sa International Criminal Court (ICC) sa 2011 hangtod 2019, ang gobyerno wala maghatag ug prioridad sa kaayohan sa katawhan.
Tungod niini, daghang Pilipino ang namatay tungod sa giingong konektado sa illegal nga droga ug human rights violations.
Gidugang niini, nga gani sa Cebu, daghang kaso ang mitumaw, ilabi na sa panahon ni Police Colonel Royina Garma, ang kanhi Chief of Police sa Cebu City Police Office (CCPO), ug Police Brigadier General Debold Sinas, kanhi Regional Director sa Police Regional Office (PRO) 7, diin daghang dungan nga pagpatay ang na-dokumentohan sa mga giingong nalambigit sa illegal nga droga.
Matud pa ni Trillanes, nga walay gihatag nga rehabilitasyon sa mga drug addict ug diretso lang ang pagpatay.
Gipadayag usab niya nga giingong gitakpan ni Duterte ang iyang partner nga si Michael Yang, nga giingong drug lord, aron maprotektahan ang operasyon ug tangtangon ang kompetensya.
Posible usab nga nalambigit ang iyang anak nga si VP Sara Duterte nga kalihokan.
Hinungdan,nga ipalantaw kini tanan sa umaabot nga impeachment hearings, uban ang ebidensya ug susihon sa Anti-Money Laundering Council.
