Gikasagmuyo ni Lapu-Lapu City Mayor Cindi King Chan ang nahitabong pagpangguba sa mga design artworks sa matag barangay sa dakbayan sa Lapu-Lapu, nga alang unta sa 48th ASEAN Leader Summit 2026.
Giklaro sa mayora nga dako ang iyahang kahiubos sa mga indibidwal nga nangulo sa pagpangguba niini, kung diin adunay duha (2) ka mga artworks ang giggama sa mga residente sa Barangay Ibo, Lapu-Lapu ug sa Barangay Pajo, Lapu-Lapu City.
Kini gumikan kay gawas nga gipangguba kini, gi-vandalized pa gayud kini sa mga wala pa mailhing indibidwal nga nagpasingulo sa maong indisenting buluhaton.
Matod pa ni Chan atol sa pakighinabi sa mga tigbalita, ang mga naasoyng artworks parte sa usa ka contest nga gipangulohan sa Lapu-Lapu City Local Government ug sa National Commission for the Culture and Arts.
Diin sa umaabot Sabado, Abril 9, i-judge unta kini igka tuldokan na gayud sa tanang kalihokan sa 48th ASEAN Leader Summit 2026.
Sa kasamtangan, nagpabiling gawasnon ug wala pa mailhan ang indibidwal nga nangulo sa pagpangguba sa mga artworks, apan padayon ang pagtino niini ilabi na sa sakop sa kapulisan sa dakbayan sa Lapu-Lapu, aron hingpit nang mapanubag ang mga indibidwal nga nagpaluyo niining kalihokana.
Subay niini, nanawagan si Mayor Chan nga mopakita na ang mga nangguba ug nag vandalized nga indibidwal sa mga artworks sa duha ka barangay nga naasoy, aron dili na makamugna og mas dako pa nga kadaot ilabi na nga nakalinya na ang adlaw sa mga dagkong kalihokan og aktibidad may kalabot sa 48th ASEAN Leader Summit 2026.
Samtang sa pikas bahin, gitataw usab ni Mayor Chan nga ang National Organizing Committee sa ASEAN SUMMIT 2026 ang nihukom sa temporaryung pagpabalhin sa 66 ka mga pamilya nga nagpuyo luyo sa Mactan Expo ngadto sa usa ka resort sa lungsod sa Cordova, diin matod niya, ang Lapu-Lapu City LGU igo lang nipatuman niini.
Ang Mactan Expo ang venue unya sa tigum sa mga heads of state sa mga ASEAN member countries karong May 8. Gipasalig hinoon niya nga makabalik ra sa ilang pinuy-an ang naasuyng mga pamilya.
Sa iyang pakigpulong atol sa pag-abli sa sa International Media Center, ang mayor miingon nga personal niyang gibisita ang mga pamilya, nga kasamtangang nagpuyo sa usa ka resort, ug gihulagway niya ang ilang temporaryo nga pagpuyo isip usa ka “family day” setting.
Gipasalig ni Mayor King-Chan nga ang pagbalhin temporaryo lang, ug gilauman nga mobalik ang mga pamilya sa ilang mga panimalay sa Mayo 9.
