Giawhag sa World Health Organization ang mga vaccine manufacturer nga paspasan ang paghimo sa mpox vaccine, dungan sa gikahadlokan nga mokaylap ang mga kaso niini.
Sumala sa WHO, ang kasamtangan nga suplay sa bakuna dili igo aron mapugngan ang pagkaylap sa sakit nga karon nakaapekto sa daghang mga nasud sa Africa.
Giawhag usab sa WHO ang mga nasud nga adunay mga suplay sa bakuna nga idonar una kini sa mga nasud nga nanginahanglan.
Matud sa international health agency, nga adunay 500,000 dose sa Modified Vaccinia Ankara-Bavarian Nordic (MVA-BN) nga bakuna sa mpox apan ang kompanya adunay katakus nga makahimo hangtod sa 2.4 milyon dose.
Gihimug-atan sa buhatan sa WHO, nga ang mga nasud kinahanglan nga magtinabangay aron makontrol ang pagkaylap sa sakit, ug dili lamang sa Africa.
Una nga gitaho sa Sweden ang una nga kaso sa bag-ong variant sa mpox sa gawas sa Africa.
