Iretiro na sa Minnesota Timberwolves ang No. 21 jersey sa kanhi NBA star nga si Kevin Garnett.
Ang retirement honors ipahigayon sa Target Center sa Pebrero 28, 2027, napulo ka tuig sukad siya miretiro sa liga.
Gigugol ni Garnett ang unang 12 ka tuig sa iyang karera uban sa Wolves ug gipangulohan ang team sa unang playoff appearance niini niadtong 1997.
Sulod sa sunod nga walo ka season, ang Wolves kanunay nga nakasulod sa postseason hangtod nga nakaabot sila sa Western Conference Finals niadtong 2004.
Ingon man nga na–trade sa Boston Celtics si Garnett, diin iyang nadaog ang iyang bugtong NBA championship niadtong 2008 ug nibalik siya sa Minnesota niadtong 2015 apan miretiro na gayud sa sunod nga season.
Sa wala pa kini, ang Wolves kaniadto nakahukom nga iretiro ang jersey nga No. 21 ni Garnett niadtong 2016 ug sukad niadto, walay magduduwa sa Minnesota ang gitugotan nga magsul-ob sa maong jersey number.
Apan, si Garnett midumili sa pagdawat niini niadtong panahona tungod sa panaglalis sa kanhi tag-iya sa Timberwolves nga si Glen Taylor.
Human gibaligya ang Wolves ngadto sa bag-ong mga tag-iya, ang alamat sa Minnesota gilauman nga motambong sa seremonya sa sunod tuig.
