Gipildi sa Boston Celtics ang Philadelphia 76ers og 32 ka dagkong puntos sa unang panagtagbo sa duha ka team sa 2026 NBA Playoffs.
Ang kadaugan sa Boston gipangulohan sa all-around forward nga si Jayson Tatum, kinsa nakapuntos og 25 points sa siyam ka field goals ug unom ka free throws. Nakahimo usab siya og 11 ka rebounds, pito ka assists, ug duha ka steals.
Natabangan usab ang Boston sa 2024 NBA Finals MVP nga si Jaylen Brown og 26 puntos ug upat ka rebounds. Sa maong performance, gihatagan si Brown og +23 overall performance.
Sa pagtapos sa unang quarter, ang Boston nakauna na og 15 puntos nga miusbaw lang sa misunod nga mga quarter, hangtod nga nakadaog kini og 123-91.
Tungod sa lig-on nga depensa sa Celtics, nalimitahan nila ang 76ers ngadto sa upat ka 3-pointers.
Ang Sixers nalimitahan usab sa makapahigawad nga .87 puntos matag possession samtang ang Boston nakapuntos og 1.18 puntos matag possession.
Ang labaw sa Boston miabot og 35 puntos samtang ang Philadelphia wala makaapas.
Sa kadaugan, ang Celtics nagkinahanglan na lang og tulo ka puntos aron makaabante sa sunod nga hugna sa eliminations.
