CEBU CITY — Giselebrar sa usa ka aspiring young vlogger sa Negros Occidental ang pagbaton og duha ka mga subscribers sa iyang Youtube account.
Sa social media post sa maong bata nga si Mary Grace Escober, nag-andam kini og mga cupcakes ug nakabutang ang icing caption nga “2 subs,” dayon gipromote niini ang kaugalingong social media channel.
Gumikan sa iyang “little victory,” nakuhit ang kasingkasing sa mga netizens hinungdan nga nag-viral kini sa iyang social media.
Base sa pagsukit-sukit sa Bombo News Team, pulos mga pampa-good vibes ang unod sa mga content sa Youtube account ni Escober.
Hinungdan nga nalipay usab ang artistang si Kiray Celis sa ginagmay apan tiunay nga kalampusan sa maong batang babaye.
Gi-angkon ni Kiray nga bisan pa man og dili niya kaila ang maong bata, napaglantawan niini nga aduna gayuy future si Escober.
Pagkalabay sa duha ka adlaw, niabot na og dul-an 133,000 ang subscribers sa Youtube channel ni Escober ug hilabihan ang pagpasalamat niini sa Ginoo gumikan sa simpleng kalipay.
Kini nagpamatuod nga adunay gahum ang kanunay nga pag-appreciate sa mga ginagmay nga kalampusan ug pagpasalamat sa Ginoo sa tanang panahon. /gn
