Zelenskyy, gipasalig nga manimalos human sa dakong airstrike sa Russia

Patay ang pito ka indibidwal human sa usa ka dakong airstrike nga gihimo sa Russia sa Dnipro City, Ukraine.

Si Ukrainian President Volodymyr Zelenskyy miingon nga ang pag-atake nahitabo tibuok gabii.

Ang mga rescue team nagpadayon sa pagpangita sa posibleng mga nakaluwas nga nalubong ilalom sa nahugno nga mga building.

Nitabang usab ang mga fighter jet sa United Kingdom nga nakabase sa Romania human nakamatikod og mga Russian drone duol sa ilang utlanan.

Gidugang sa presidente sa Ukraine nga wala nagbag-o ang pamaagi sa Russia sa pagpahigayon og mga pag-atake nga nakapatay sa daghang sibilyan.

Nanumpa usab siya nga adunay igong tubag ug pagpanimalos batok sa mga aksyon sa Russia.