CENTRAL VISAYAS- Gipakita sa Police Regional Office 7 (PRO7) ang lig-on nga pasalig sa pagpauswag sa kaluwasan ug seguridad sa komunidad sa Central Visayas sa miaging tuig o 2024.
Mapasigarbuhon nga gipasiugda sa PRO7 ang ilang mga nahimo tungod kay kini nagpakita sa ilang mga paningkamot, nga nagpunting sa dili matarug nga dedikasyon sa pagserbisyo sa katawhan sa Central Visayas ug pagpauswag sa usa ka malinawon, mauswagon nga rehiyon ubos sa estratehikong pagpangulo ni PBGEN ROY B PARENA, Officer-In-Command sa PRO7 .
Gikan sa Enero 1 hangtod sa Disyembre 31, 2024, gipasiugdahan sa PRO7 ang aktibong kampanya batok sa ilegal nga kalihokan, nga malampusong nakahimo og 7,557 ka anti-illegal drug operations.
Kini nga mga paningkamot nisangpot sa pagkasikop sa 8,772 ka mga drug offenders ug pagkakumpiska sa 231,025.63 gramos sa ilegal nga drugas, nga nagkantidad ug PHP1,570,974,284.00, uban sa mga tanom nga marijuana nga nagkantidad ug PHP7,150,442.40. Dugang pa, 1,055 ka ampules sa nubain ang nasakmit, nga adunay kinatibuk-ang kantidad nga P121,325.
Sa pakigbatok sa iligal nga sugal, ang among dedikadong grupo nakadakop ug 12,624 ka indibidwal pinaagi sa 7,592 ka target nga operasyon, nga nakasakmit ug kuwarta nga mikabat sa P1,361,385.75.
Samtang sa loose firearms, dako ang pag-uswag sa PRO7, kana gumikan kay nakadakop sila ug 1,013 ka mga indibidwal ug nakarekober og 4,127 ka armas, 148 ka pabuto, ug lain-laing klase sa bala pinaagi sa 3,942 ka target nga operasyon.
Sa mga wanted nga tawo nakahimo og 7,259 ka operasyon, nga misangpot sa pagkasikop sa 905 ka mga tawo sa listahan sa most wanted, ingon man usab sa 6,354 ka uban nga adunay mga warrant nga gi-isyu sa korte.
Sa natad sa statistical crime sa Central Visayas, adunay talagsaong pagkunhod sa index crimes, gikan sa 4,013 niadtong 2023 ngadto sa 3,662 ka kaso niadtong 2024, nga nagrepresentar sa 8.75 porsiyento nga pagkunhod.
Dugang pa, alang sa tuig 2024, ang PRO7 nakatala ug 99.24 porsyento nga clearance efficiency ug 89.07 porsyento nga solution efficiency alang sa Peace and Order Indicator, tungod sa agresibo nga mga paningkamot ug kakugi sa mga imbestigador sa pagsiguro nga tukma nga mga kaso ang tukma nga pag-refer o pagpasaka sa mga korte sa hurisdiksyon.
