CEBU CITY-Gibana-banang mokabat sa P1.5 milyones ang danyos sa miulbong sunog sa San Juan Street Barangay Sambag 2 sa dakbayan sa Sugbo, gahapong adlawa Enero 26, 2024.
Human nga nadawat sa kabomberohan ang taho nga adunay sunog dali kining mirespondi sa maong lugar ug sa dihang pag-abot sa pwersa, gipasaka kini sa ikaduhang alarma diin nangayo og tabang sa mga kasikbit nga Fire Station arun sa dali nga mapatay ang sunog.
Nasayran nga 21 ka mga panimalay ang naugdaw diin lima niini ang partially burned samtang 16 ang totally burned nga nakaapekto sa 30 ka mga pamilya ug 84 ka mga indibidwal.
Gawas sa maong taho, wala’y natala nga namatay o naangol sa makalilisang nga panghitabo ug mao kini ang usa sa mga gipasalamat sa mga sakop sa kabomberohan.
Sa pikas bahin, padayon ang panawagan sa Cebu City Fire Station sa publiko nga magbinantayon hilabi na nga paingon na motak-op ang bwuan sa Enero ug dali r anga mahuman ang buwan sa Pebrero.
Hinungdan nga giawhag ni Senior Fire Officer 2 Wendell Villanueva, ang tigpamaba sa Cebu City Fire Office ang tanan nga mosalmot sa kalihokan alang sa pagpangandam sa hilabihan nga kainit nga moigo sa atong nasud ug sa tanang mga programa nga ilang giandam alang sa atong kasayuran ug kaayuhan nga malikayan ang sunog.
