CEBU – Labing minos usa ka security guard ang nalandig sa tambalanan dihang nahitabo ang pinusilay nga daw sanga sa nagpadayong away sa yuta sa Brgy. Punta Engaño sa dakbayan sa Lapu-Lapu gahapong adlawa Lunes, Septiyembre 5, 2022.
Gikompirmar kini ni Police Maj. Jaypee Dagami, ang hepe sa Station 2 sa Lapu-Lapu City Police Office (LLCPO) nga nakadawat sila og ‘shooting alarm’ sa Sitio Mangal, Brgy. Punta Engaño mga alas 8 sa buntag.
Kung diin ang’shooting alarm’ nahimo nga usa ka panagsangka nga naglambigit sa mga security guard sa usa ka high-end nga residential development ug sa duol nga mga residente.
Dugang pa, nga milanat sa gibana-bana nga usa ka oras ang pinusilay, hinungdan nga nasamdan ang usa sa mga guwardiya nga giilang si Jose Palomar, nga nadestino sa propyedad.
Nakaangkon usab og gamay nga samad sa iyang bukton ang usa ka residente nga sila si Judith Pagobo, 55, nga gibilin sa bala.
Nasakmit sa kapolisan gikan sa mga security guard ang daghang service firearms, lakip ang usa ka shotgun nga gituohang gigamit kini atol sa pinusilay.
