CEBU CITY-Padayong giatiman sa tambalanan ang 10-anyos nga batang lalaki human kini natusok ang iyang mata ngadto sa nagbitay nga kabilya sa Sitio Sto.Niño sa Barangay Apas ning dakbayan sa Sugbo.
Ang biktima nasuta nga usa kini ka tinun-an sa Apas Elementary School ug paingon na unta sa eskwelahan sa dihang nahitabo ang insidente atol sa iyang pag-agi sa naasoy nga dapit.
Ang mga lumulopyo sa lugar daling nangayo og tabang human nasayran ang nahitabo sa bata, ug dali kining gitabang sa niabot nga mga sakop sa Quick Response Team sa Cebu City Disaster Risk Reduction Managemement Office.
Atol sa pakighinabi sa Bombo Radyo Cebu kang APAS Disaster risk reduction management office HEAD nga si Freddie James Velasco nga agianan na gayud sa mga estudyanteng bata ang maong gihimo nga short cut.
Subay niini, nipahimangno ang opisyal sa publiko o ingon man sa mga mo-agi sa maong dapit nga mag amping ug mas maayo nga ihatod sa mga ginikanan ang mga bata nga paingpn sa ilang eskuylahan.
