Gibantayan sa Office of the Civil Defense ang napulo ka aktibong fault lines sa Negros Island Region.
Kini human sa makalilisang nga linog nga may magnitude 7.8 nga miigo sa Sarangani niadtong Lunes, Hunyo 8.
Lakip sa mga aktibong fault lines nga gimonitor mao ang Southern Negros Fault; Manjuyod-Pamplona Fault (East Negros Fault System); Bindoy-Guihulngan Fault (East Negros Fault System); Pinocawan River Fault (East Negros Fault System); San Carlos Fault (East Negros Fault System); Calatrava-Toboso Fault (East Negros Fault System); Sibulan Fault; Central Negros Fault; Candoni Fault; ug West Negros Fault.
Diin ang mga naasoy nga mga fault makahimo og magnitude nga moluntad sa 6.9.
Gimonitor usab ang posibleng paglihok sa Negros Trench.
Agi’g pagpangandam, ang Provincial Disaster Risk Reduction and Management Office naghatag og mga simulation sa mga eskwelahan ug komunidad.
Gikumpirmar sa PHIVOLCS kaniadto nga ang linog nga miigo sa Sarangani gipahinabo sa paglihok sa Cotabato Trench. Gipasabot sa ahensya nga ang lokasyon sa linog, ang “focal mechanism” niini, ug ang pattern sa aftershocks nagpakita nga kini tungod sa subduction o paglihok sa usa ka tectonic plate ilalom sa lain ubay sa Cotabato Trench. Kini usa ka mayor nga istruktura sa kadagatan duol sa Mindanao.
