Subling gipakita sa Bombo Radyo Philippines ang gahom sa nagkahiusang komunidad ug boluntaryo sa malampusong pagpahigayon sa Dugong Bombo 2024: A little Pain, A Life to Gain, usa ka nationwide simultaneous bloodletting activity.
Diin karong tuiga, halos 2 milyones ka cc o katumbas sa halos 2,000 ka litro o anaa sa 524 ka galon o halos 10 ka drum sa dugo ang atong nakolekta karong tuiga.
Naggikan kini sa kapin 4,400 ka blood donors sa tibuok nasud, nga nagpakita sa diwa sa kabayanihan sa mga Pilipino.
Sa pakigtambayayong sa Bombo Radyo Philippines Foundation Inc. ug ang Philippine Red Cross, ang Dugong Bombo nagpabilin nga ehemplo sa sakripisyo ug dedikasyon sa pagtubag sa kritikal nga panginahanglan sa dugo sa mga blood bank sa nasud.
Bisan pa nga adunay hulga sa Super Typhoon Pepito sa pipila ka mga lugar ug adunay bomb threat kay nagpadayon ang kalihokan, nga nagpakita sa kalig-on ug dedikasyon sa mga boluntaryo, organizer, ug mga kauban nga organisasyon.
Kini nagtimaan sa dakong suporta ug partisipasyon sa lalom nga pagsalig sa publiko sa Bombo Radyo Philippines.
Ang organisasyon kinasingkasing nga nagpasalamat sa tanang mga donor, malamposon man o dili sa paghatag og dugo ug sa mga sponsors nga mitampo ug nahimong yawe sa kalampusan niini nga programa nga walay sama.
Sama sa among mantra, “In Dugong Bombo, a little pain, a life to gain.”
Samtang sa 24 ka mga lugar nga kanunay naigo sa Dugong Bombo, ang mga lugar lang sa Legazpi ug Naga nga nag-atubang sa hulga sa super typhoon Pepito ang gi-postpone sa mosunod nga mga adlaw… busa atangi ang updates.
Sa makausa pa, among pasalamat sa tanan…Dugong Bombo, a little pain a life to gain… Basta Radyo…Bombo!
