CEBU CITY-Mang-apud-apud ang Cebu City Government og mga bugas sa mga labing naapektaran karon sa General Community Quarantine subay sa pakigbatok sa COVID-19.
Kini ang gitataw ni Cebu City Mayor Edgardo Labella human nga nakapalit na matud pa ang City Gov’t og sien mil o 100,000 ka mga sakong bugas aron ipanghatag sa nga nawad-an sa ilang panginabuhian ug ang nagsalig lamang sa matag adlaw nga kita aron makakaon.
Subay niini ipatawag sa mayor ang mga kapitan sa 80 ka barangay sa Sugbo aron makigpulong alang sa mga angayang lakang nga pagahimoon niining panahon sa krisis.
Gihimug-atan sa Mayor nga angayang isalikway na ang politikanhong kalihokan ug magkahiusa na ug sabotan ang angayang ikaayo sa tagsa-tagsa ka barangay.
I-discuss matud pa sa maong miting ang guidelines sa barangay alang sa mga angayang buhaton.
Karong semana, gibutyag ni Mayor Labella nga ipang apud-apud na ang ang mga naasoy nga sako sa bugas.
