100 ka barangay ug usa ka lungsod sa Central Visayas ang gihatagan og drug-cleared status atol sa deliberasyon sa Regional Oversight Committee on Barangay Drug Clearing:1,429 sa 3,003 ka barangay sa rehiyon ang drug cleared

CEBU – Mokabat sa 100 ka barangay ug usa ka lungsod sa Central Visayas ang gihatagan og drug-cleared status atol sa deliberasyon sa Regional Oversight Committee on Barangay Drug Clearing (ROCBDC) niadtong Lunes, Nobyembre 21.

Kini ang gibutyag ni Leia Alcantara, ang tigpamaba sa Philippine Drug Enforcement Agency in Central Visayas (PDEA-7), nga sa 100 ka barangay, 47 ang gikan sa lalawigan sa Sugbo ug 45 ang sa Bohol.

Samtang Pito ka barangay sa Negros Oriental ang gideklarar usab nga drug cleared kauban ang Barangay Mantuyong sa dakbayan sa Mandaue.

Drug-cleared na sab karon ang lungsod sa Pilar sa lalawigan sa Sugbo.

Sa pagkakaron, 1,429 sa 3,003 ka barangay sa rehiyon ang drug cleared na samtang 116 ang gikonsiderar nga drug-free.