CENTRAL VISAYAS-Gi-anunsyo sa Department of Education sa Central Visayas (DepEd 7) nga adunay 600-1,000 ka public school teachers ang kuhaon isip tubag sa gipaabot nga dos porsiyento nga pagtaas sa enrollment rate sa mga pampublikong tunghaan sa Central Visayas.
Kini ang gitino ni Dr. Salustiano Jimenez ang Director sa Department of Education sa Central Visayas (DepEd 7), nga ang maong departamento naka-enrol na og dul-an sa usa ka milyon ka mga bata sa publikong tunghaan.
Sa maong gidaghanon, 500,000 ka mga tinun-an ang na-enrol atol sa early registration period alang sa mga tinun-an nga mosulod sa kindergarten, grade 1, 7, ug 11, nga nagsugod niadtong Mayo 10 hangtod Hunyo 9.
Ang enrolment mahuman sa Agosto 26, samtang ang klase magsugod sa Agosto 29, sumala sa DepEd Central Office sa Manila.
