Gahinan og pundo sa kagamhanan sa dakbayan sa Sugbo, ang mga sakop sa Cebu City Police Office, alang sa dugang mobility sa mga sakop sa kapulisan sa panahon sa pagtubag sa emerhensiya og pagsiguro sa siguridad.
Matud ni Cebu City Mayor Nestor Archival, nga nagkaisturya na sila ni PCol. George Ylanan, og mibutyag nga tumong og tuyo sa mga kapulisan ang pagsulbad og paglikay sa posibleng mahitabong krimen sa dakbayan.
Dugang pa sa Mayor, nga usa sa panginahanglanon sa mga sakop sa kapulisan mao ang dugang mobility, ug plano usab niini nga mamalit og dugang motorsiklo ug sakyanan.
Tubagon usab sa kagamhanan ang pundo alang sa pagpatubil sa mga nagkadaiyang sakyanan aron dili na sila magproblema sa ipagasolina niini.
Samtang, giplano usab sa opisyal nga mamalit og electric vehicle aron masulbad ang panginahanglanon sa gasoline.
Gikalipay usab ni Ylanan, ang gibutyag ni Archival og misaad nga dili niini sayangan ang gihatag nga pagsalig sa dakbayan.
