PROVINCE OF BOHOL-Nasakmit sa Municipal Drug Enforcement Unit sa Panglao police station ang anaa sa 13.7 Milyones ka pesos nga balor sa illegal nga drugas atol sa buy bust operation sa Purok 1 Barangay Danao sa maong lungsod lalawigan sa Bohol, gabie alas 9:03 sa Biyernes Hunyo 23, 2023.
Kini pinaagi sa pagpangulo sa hepe sa maong police station nga Police Major Andie Liquit Corpus.
Nalakip sa High Value Individual ang nadakpan kinsa giila sa kapulisan nga si Roel Borja 25 anyos ug lumolopyo ra usab sa maong lugar.
Nakuha sa mga operatiba ang 20 ka dagkong putos sa gituohang shabu nga motimbang ug 2,025 gramos nga dunay standard drug price nga P13,770,000.
Sa kasamtangang, nagpadayun ang kapulisan sa ilang imbestigasyon arun sa pagsuta kung asa gikan ang supply sa illegal nga drugas nga naabot sa Panglao.
