CEBU PROVINCE-Gipasakaan na og kaso sa National Bureau of Investigation in Central Visayas (NBI-7) ug kasong pagpanglugos batok sa 17-anyos nga tinun-an sa Dakbayan sa Naga, Sugbo.
Una niini, ang bata giakusahan nga nanglugos sa iyang 14-anyos nga klasmeyt sulod sa kasilyas sa babaye sa ilang eskwelahan niadtong Mayo 19, 2023.
Matod sa NBI-7, gipasaka ang kasong rape batok sa suspek sa Naga City Prosecutor’s Office niadtong Martes, Hulyo 25.
Sa kasamtangan nagpabilin nga ubos sa kustodiya sa iyang mga ginikanan ang maong suspek samtang gipaubos ang iyang kaso sa pagrepaso sa piskaliya sa dakbayan sa Naga.
Sa pikas bahin, ang biktima nga batang babaye gipaubos sa pag-atiman sa mga social worker alang sa pipila ka mga interbensyon aron makatabang kaniya sa pag-overcome sa trauma nga posibleng iyang nasinati tungod sa rape insidente.
