Gihandom karong adlawa sa Martes, Septiyembre 9, 2025 ang ika-147 ka tuig kasumaran sa adlawng natawhan ni kanhi Presidente sa Pilipinas og giilang “Grand Old Man of Cebu” nga si Sergio Osmeña Sr.
Gihinumdum kini pinaagi sa pagtagana karong adlawa isip Special Non-Working Holiday sa tibuok probinsya ug dakbayan sa Sugbo pinaagi sa gahum sa Republic Act No. 6953 series of 1990.
Kini isip pagtimaan sa nadalit sa kinabuhi ni Osmeña Sr. sa iyang pagsilbi isip kanhi gobernador sa Sugbo niadtong 1906-1907, pinakaunang House Speaker niadtong 1907-1922 pinakaunang Bise-Presidente sa Republika niadtong 1935-1944 ubos sa administrasyon ni Manuel Quezon, ug pagsilbi isip ika-upat nga presidente sa nasud niadtong 1944-1946.
Siya sab ang patriach sa pamilyang Osmeña sa Sugbo nga naglakip sa anak niining si Sergio “Serging” Osmeña Jr., mga apo niini nga sila kanhi Senador Sergio “Serge” Osmeña III ug John Henry Osmeña, kanhi Gobernador Lito Osmeña, ug si Cebu City Vice Mayor Tomas “Tommy” Osmeña.
