CEBU CITY — Gidala na sa tambalanan ang 15 ka mga nangaangol, lakip na ang mga Japanese-nationals, human nagbangga ang tourist van ug multicab sa ML Quezon Avenue, sa dakbayan sa Lapu-Lapu.
Giila ang driver sa multicab nga si Jefferson Upani Dayuday, 56 anyos, ug taga-Brgy. Pajo sa nahisgutang dakbayan, samtang ang driver sa tourist van mao si Albert Contratista, taga-Mandaue City.
Adunay sakay nga walo ka buok ang tourist van diin pulos kini mga Japanese nationals ug nagbyahe kini padung sa airport.
Samtang pulos mga trabahante sa Mactan Export Processing Zone (MEPZ) ang sakay sa muticab.
Matud ni Police Corporal Melvin Eyas sa Lapu-Lapu City Police Station 5 nga nagbangga ang duha ka mga sakyanan gumikan kay milapas man sa lane ang tourist van.
Nakaangkon og serious injury ang pipila ka mga pasahero samtang napiit sa gisakyan nga multicab ang drayber niini.
Dugang pa ni Eyas nga ilang sutaon kung unsa man ang hinungdan sa panagbangga.
Naka-impound na sa usa ka area sa Lapu-Lapu City ang mga sakyanan human kini ma-pullout aron dili mosamot ang kabug-at sa trapiko
