CEBU CITY — Nasikop na ang usa sa 3 ka suspect nga menor de edad nga mipusil patay sa usa ka 16 anyos nga gikan lang misimba sa may Brgy. Poblacion dakbayan sa Danao, probinsya sa Sugbo.
Una niini, basi sa imbestigasyon ni Police Corporal Mark Anthony Manulat sa Danao PNP nga gikan misimba ang biktima nga si Ariz Banzon kauban ang 15 anyos nga manghud niini sa may Sitio Camalig Brgy. Bato sa naasoy nga dakbayan.
Apan sa dihang pauli na ang duha giduol matud pa kini sa 3 ka suspect nga nailang sila si Mar Jay, John Paul ug Joshua.
Sigon pa nga gihagad sa 3 og sumbagay ang biktima apan wala kini musukol inay midagan kini kauban ang manghud.
Apan gigukod matud pa kini sa 3, gikukata ug gipusil ni Mark Jay hinungdan sa kamatayon sa biktima.
Sikop si John Paul samtang padayo nga gipangita ang duha pa ka suspek.
Nasayran nga duna matud pa kini gang group ang tulo nga gitawag og ‘piyahok’.
Padayon usab ang imbestigasyon sa nahitabong insidente. (GN/FDP)
