SIBONGA, CEBU-Nalumos-patay ang usa ka 16-anyos nga lalaki human nadalin-as og natagask sa kadagatan sa Pantalan, Barangay Población sa lungsod sa Sibonga sa habagatan Sugbo, adlawa sa Dominggo, Abril 27, 2025.
Sa eksklusibong pakighinabi sa Bombo Radyo Cebu Newsteam kang Police Captain Feb Abadilla Seares, ang Officer-in-Charge sa Sibonga Municipal Police Station nga matod pa nga nahitabo kini nga insidente pag pasado alas 4:30 sa hapon sa maong adlaw.
Ang maong menor-de-edad kaygiilang si Vince Aaron Estorco usa ka tinun-an sa grade 10 nga lumulupyo sa Purok 2 sa Barangay Papan sa bukirang bahin sa lungsod sa Sibonga.
Atol sa pagkadawat sa maong alarma, daling girespondihan sa mga sakop sa Sibonga Municipal Disaster Team ug Coast Guard Sibonga Substaion ang maong dapit.
Gani sa maong imbestigasyon nga uban ang biktima sa iyang 15-anyos nga higala diin sila nagbaklay sa kilid nga bahin sa pantalan (wharf) apan kalit kining nadalin-as og nahagbong sa lawm nga bahin sa dagat.
Gikatahong dili maka-antigo mo langoy ang biktima hinungdan nga dali kini nalumos.
Gisuwayan pa og dala sa Depareine Community Hospital ang biktia apan masulub-ong nakabsan ra gihapon kini sa iyang kinabuhi.
