18 ka pamilya gipabakwit sa Lungsod sa Minglanilla

CEBU – Mokabat sa 18 ka pamilya ang gipabakwit gikan sa Sitio Napo, Barangay Guindaruhan sa Minglanilla, Cebu human napalgan ang mga “liki” sa maong dapit.

Sa usa ka post sa social media karung Martes sa buntag, Nob. 8, ang kagamhanang munisipyo niingon nga ang preemptive evacuation nga gimando ni Mayor Rajiv Enad gibase sa report gikan sa Mines and Geosciences Bureau sa Central Visayas (MGB-7) nga nagkanayon, “klaro kaayo nga ang kalihukang masa [sa lugar] aktibo kaayo.”

Dugang pa, nga ang MGB nagpahayag nga adunay usa ka “klaro ug presente nga peligro sa mga residente sa tiilan sa apektadong bakilid tungod sa kusog nga ulan nga mahimong hinungdan sa pagdahili sa yuta.”