CEBU CITY-Nasikup sa mga sakup sa kapulisan sa Sawang Calero Police Station ang usa ka 19 anyos nga lalaki atol sa gipahigayon nga buy-bust operation niadtong Miyerkules sa gabii Hulyo 3, 2024.
Ang dinakpan giila nga si John Paul Cho alyas “JP”, hingkod ang panu-igon ug lumulupyo sa Sitio Puntod Brgy. Mambaling ning dakbayan sa Sugbo.
Atol sa buy-bust operation, nakuha gikan ni Cho ang 5.36 nga gramo sa gitu-ohang shabu nga nagkantidad ug 35,000 pesos
Sa dihang gipangutana si Cho Kung nganong namaligya siyag shabu, nitubag lang kini nga “no choice daw siya ug gusto lang makatabang sa pangwarta sa pamilya.”
Matud pa sa dinakpan nga wala na siyay laing nahibaw-an para maka kwarta mao ra ang pagpamaligya ug shabu.
Nasikup usab ang usa ka lalaki nga giila nga si ‘Al Matthew’ nga kauban ni Cho atol sa Buy-bust operation ug nag-ginukdanay pa kini sa mga kapulisan.
Apan nilimod si Matthew nga dili kini ‘dealer’ o ‘pusher’ apan online seller lang.
Nanghimakak pa kini nga asin lang ang iyang dala-dala sa dihang gipangutana sa mg awtoridad apan sa pagsusi kay shabu hinungdan nga gisikop kinig apil.
Kasamtangang anaa sa kustodiya sa Sawang Calero Police Station ang mga dinakpan og pasakahan sa kaso sa posesyon sa illegal nga drugas.
