Nihatag ang buhatan ni Speaker Martin G. Romualdez og hinabang pinansyal sa duha ka mga atleta nga Pinoy nga morepresentar sa nasod sa Paris Olympics.
Gipangulohan kini sa Head Executive Assistant sa Office of the Speaker nga si Director V Atty. Lemuel “Muel” Romero, kinsa mihatag og cash assistance nila ni Levi Jung-Ruivivar ug Carlos Edriel Yulo, atol sa usa ka simpleng seremonyas sa House of Representatives.
Kahinumduman niadtong Mayo 22, si Speaker Romualdez gibisita sa delegasyon sa mga atletang Pinoy nga makigtigi sa Paris nga gipangulohan ni Weightlifting Association of the Philippines President Monico Puentevella.
Diin ang opisina ni Speaker Romualdez nihatag usab og pinansyal nga tabang sa mga atleta nga mosalmot sa Olympics lakip na ang mga weightlifter nga sila John Ceniza, Eireen Ando, ug Vanessa Sarno, ug rower Joanie Delgaco.
Matud pa nga gidayeg ni Romualdez ang mga atleta nga nagkugi ug nagsilbi nga inspirasyon sa kadaghanan.
Agi’g suporta ug pagtuo sa mga abilidad sa mga atleta nihatag kini sa maong pinansyal.
