2 patay sa pagpamusil sa estasyon sa tren sa Brussels

Patay ang duha ka tawo samtang laing 2 usab ang naangol sa nahitabong pagpamusil sa estasyon sa tren sa Brussels, Belgium.

Nahitabo ang insidente sa distrito sa Saint Gilles diin daling misibat ang suspek human sa insidente.

Padayon pa nga gisuta sa mga otoridad ang identity sa suspek ug motibo sa maong krimen.

Ingon man nga wala gisalikway sa kapolisan nga may kalambigitan sa ilegal nga drugas ang motibo sa maong pagpamusil tungod kay ang maong dapit naila sa pagpamaligya og ilegal nga drugas.