CHINA-Labing menos 2 ka tawo ang kompirmadong patay samtang 92 ang naangol sa paghapak sa Bagyong Yagi sa China, partikular sa isla nga lalawigan sa Hainan.
Matod sa local authorities, ang 2 ka casualty nga natala gahapong adlawa, Sabado kay gikan sa Ding’an County samtang 12 ka indibidwal ang natala nga naangol sa Wenchang City ug 80 usab ang naangol sa Haikou.
Niadtong Biyernes, kaduha mi-landfall ang bagyo sa China, una nga miguba sa Hainan sa wala pa miigo sa lalawigan sa Guangdong.
Pipila ka mga lugar sa habagatang Tsina lakip ang Guangzhou, Shenzhen, ug Yangjiang nagsuspinde usab sa eskuylahan samtang gi-postpone sa mga unibersidad ang pagsugod sa ilang tuig sa akademiko.
Ingon man nga ubay-ubay nga mga biyahe ang nakanselar sa rehiyon tungod sa bagyo.
Sa dihang miigo ang Super Typhoon Yagi sa amihanang Vietnam, partikular na sa Hai Phong ug Quang Ninh provinces kay daling gipabakwit ang anaa sa 50,000 ka tawo gikan sa mga lungsod sa baybayon ug ang gobyerno ug nagpadala og 450,000 nga mga personahe sa militar alang sa mga operasyon sa pagluwas.
