Anaa na sa 20 ka mga atleta sa nasud ang gipili aron makigsangka pipila ka semana sa dili pa magsugod ang 2024 Paris Olympics.
Matod ni Philippine Olympic Committee President Abraham “Bambol” Tolentino, nadugang ang mga swimmers nga sila si Kayla Sanchez ug Jarold Hatch, uban nila ni judoka na si Kiyomi Watanabe ug mga babayeng golfers nga sila si Bianca Pagdanganan ug Dottie Ardina.
Naka-qualify si Hatch sa men’s 100 meter butterfly samtang si Sanchez, kanhi Canadian kinsa miusab sa iyang nasyonalidad niadtong 2021 ngadto sa Filipino, makigtigi sa women’s 100 meter freestyle.
Samtang si Watanabe mosangka sa Olympics sa ikaduhang higayon human makasulod sa continental qualification sa women’s 63 kgs.
Mao sab ni ang Pagdanganan, nga maoy ikaduhang duwa sa Olympics samtang first timer pa lang si Ardina.
Gidugang niini nga maayong balita nga nalabwan sa nasud ang delegado nga gipadala sa miaging Tokyo Olympics nga aduna lang 19.
Wa gihapon mawala ang paglaom nga modugang pa ang mga atleta samtang nagkaduol ang torneyo.
Usa sa ilang gipaabot mao ang world number 2 pole vaulter nga si Ernest John Obiena nga makauban niya sa Paris kay duna pay qualifying.
Ang mga weightlifter nga sila si Vanessa Sarno, John Febuar Ceniza ug Elreen Ando maoy unang mi-qualify; mga boksidor nga sila si Aira Villegas, Hergie Bacyadan, Carlo Paalam, Nesthy Petecio ug Eumir Felix Marcial; rowers nga si Joanie Delgaco; eskrima nga si Samantha Catantan; ug mga gymnast nga sila Carlos Yulo, Emma Malabuyo ug Levi Ruivivar.
Pipila sa mga atleta sa nasud kay anaa na sa Metz, France aron magbansay pipila ka semana sa dili pa magsugod ang Olympics.
