Gipabakwit sa Syudad sa Mandaue ang 21 ka mga pamilya isip preemptive evacuation, tungod sa padayon nga uwan dala sa Tropical Depression Basyang, karung adlawa Enero 6, 2026.
Sa pakighinabi sa Bombo News team kang Arnold Malig-on, ang CDDRMO Communication Head sa Mandaue City ang maong lakang kabahin sa 24 oras nga pagmonitor sa CDRRMO sa duha ka dagkong sapa, lakip ang Butuanon ug Mahiga River, nga nagdugtong sa dakbayan sa Cebu ug Mandaue, aron malikayan ang posibleng pagbaha ug pag-overflow sa tubig.
Dugang pa niini, nga gibuhat ang pagpabakwit sa dili pa motaas pag-ayo ang tubig sa sapa, ug gihatagan og tahas ang mga barangay officials nga manguna sa pagbalhin sa mga residente nga anaa sa danger zones aron dili na moabot sa force evacuation.
Sumala niini, nga ang walay day off ang ilang mga personnel, ug padayon ang koordinasyon sa tanang ahensya alang sa paspas ug episyenteng responde.
Kon kahinumduman, usa ang Mandaue City sa grabeng naapektuhan niadtong Bagyong Tino, busa karon pa lang andam na ang tanang ahensya sa syudad alang sa posibleng epekto sa bagyong Basyang.
