-- ADVERTISEMENT --
CEBU CITY-Gisulod sa mga sakop sa PNP-Special Action Force (SAF) ang mga ‘interior portion’ sa nagkadaiyang barangay sa dakbayan sa Sugbo kagabii.
Sa pakighinabi sa Bombo News Team kang Police Staff Sergeant Lee Vincent Gonzalve sa Sawang Calero Police Station, gibutyag niini nga 22 ka mga indibidwal ang nasikop sa mga SAF members sa gipahigayon nga pag-ronda sa mga kabarangayan human nga nakalapas sa ECQ protocols.
Nasikop ang walo (8) ka mga indibidwal sa Barangay Calamba, tulo (3) gikan sa Barangay Pasil, duha (2) sa Barangay Sawang Calero, ingon man walo (8) sa Barangay Suba.
Ang maong mga dinakpan ang gibutang sa temporaryo nga detention cell sa naasoy nga police station ug wala kini gisagol sa daan na nga mga piniriso. | via SBR
