Gihatagan sa gobyerno sa United Arab Emirates (UAE) og pardon ang 220 ka mga Pinoy nga napriso sa nasangpit nga nasud.
Diin ang pagpasaylo gihimo dungan sa paghandum sa ika-53 nga National Day sa UAE ug sa representasyon ni Pres. Ferdinand Marcos Jr. ug iyang katugbang.
Tradisyon usab sa pamunuan sa UAE ang paghatag og mga pardon human sa ilang pagsaulog sa nasudnong adlaw.
Gianunsyo sa gobyerno sa UAE ang paghatag og pardon sa mga piniriso nga mga Pilipino niadtong Disyembre 26, 2024 ug tungod sa espesyal nga panaghigalaay tali sa duha ka nasod.
Resulta usab kini sa pakigtagbo ni Marcos ug His Highness Sheikh Mohamed Bin Zayed Al Nahyan, ang Presidente sa United Arab Emirates sa buwan sa Nobyembre sa miaging tuig.
Kasamtangang nagproseso na ang Department of Foreign Affairs ug ang Philippine Embassy sa Abu Dhab sa documentary ug administrative requirements alang sa pagpauli sa mga gipasaylo nga mga Filipino sa UAE.
Ang gipasaylo nga mga Pilipino gipriso tungod sa lainlaing mga kalapasan.
Niadtong Hunyo 2024, niabot sa 143 ka mga Filipino ang napriso sa UAE ug gipasaylo sa pagsaulog sa Eid al-Adha.
